TRICHORUM

TRICHORUM
apud Spartian. Pescennio Nigro, c. 12. Domus eius hodie Romae visitur, —— in qua simulacrum eius in trichoro constituit, statim post annum, ex Thebaico marmore etc. fastigium est; nam in fastigio domorum Augustarum statuas olim collocari solitas, ut et in fastigiis tem plorum, supra vidimus, in voce Fastigium.
Ex Graeco τρίχωρον, quod idem ac τρίγωνον, triangulare, quae forma illorum erat: Unde Galenus huiusmodi fastigia τριγωνοειδεῖς vocat τῆς ὀροφῆς ἀνατάσεις, Commentar. περὶ ἄρθρων, ubi planorum tectorum fastigiorumque differentiam pluribus exponit. Fiebant autem tecta fastigata pluribus plerumque fastigiis seu trichoris. Statius, Sylv. 3. l. 1. v. 58.
———— Partitis distantia tecta trichoris etc.
Et sic quidem triangulum recte τρίχωρον, dicitur, utpote tribus angulis disparatum ac tribus locis in acumen desinentibus dispartitum. Τρίχωρον enim proprie Graecis, quod tribus loculis distinctum ac divisum est. Unde τρίχωρος ἀψίς, in Templis Christianorum, quae τριςςὰ ἔνδια κύκλων habet, ut loquitur Paulus Silentiarius, vel trinos recessus, ut Paulinus, Natali 10. ubi de abside Ecclesiae seu concha, sic inter alia:
Stellatô spatiosa tholô, trinôque recessu
Dispositis sinuata locis ———
Una scil. apsis, ribus constans sinubus vel recessibus, quos et κόλπους, Graeci dixêre, trichorum vel trichorium, dicta est: Sed aliâ ratione, quam de fastigio vocem usurpatam vidimus. Vide hanc in rem plura, apud Cael. Rhodig. l. 18. c. 11. Salmas. ad Spartian. d. l. et Solin. p. 1213. Ludovic. de la Cerda, Advers. c. 102. Frid. Lindenbrogium, Not. ad Stat. l. c. Herib. Rosweidum, Not. ad Paulin. Nolan. Epist. 12. Alios: uti de ornamentis eorum aliquid supra, voce Pinnacella. Postmodum vero Tricorium, vel Tricorum pro triclinio seu refectorio Monachorum sumi coepit, uti videre est apud Order. Viralem, l. 3. et. 6. an quia camerae istae seu ὐριςτήρια, ac triclinia Veter. quae tot convivantes admittebant, spatiosiora erant, et in tres partes seu concamerationes, binô columnarum ordine, divisa, uti vult Car. du Fresne, in Glossar. qui pluribus hac de re agit, in Descr. Aedis Sophianae n. 50.

Hofmann J. Lexicon universale. 1698.

Look at other dictionaries:

  • AETOMA — Graece Αἔτωμα fastigium domus, in quo statuas olim et imagines constitui solitas fuisse, notat Vopiscus in vita Floriani c. 4. Spartianus in Pescennio c. 12. trichorum vocat. Cuiusmodi fastigia cum prius Templorum ac Aedium sacrarum propria… …   Hofmann J. Lexicon universale

  • FASTIGIUM — in Glossis ἀέτωμα, Gallis Feste, unde Festagium etc. Omnia enim aedificiorum tecta, apud Vett. aut erant plana, aut fastigata: et quidem in Graecia, Asia, et toto pene Oriente, aedium privatatum tecta plana fiebant; aedes vero sacrae culmen, et… …   Hofmann J. Lexicon universale

  • TRICLINIUM — Graece τρίκλινον, a lectis, in quibus vescebantur olim, dictum est. Sic autem Lipsius; Antiqq. Lection. l. 3. In conaculo collocabatur mensa rotunda, humilis: inferiorum quidem hominum tripes et ex simplici ligno: lautiorum citrea aut acerna aut… …   Hofmann J. Lexicon universale

  • TRIGONON — triangularis citharae species ab Ibyco excogitata, qua iambea caneret, memoratur Zuingero, Theatro Hum. Vitae p. 1147. Idem herbae nomen, inter eas quae folio veniebant in veter. coronamenta, apud Plin. l. 21. c. 9. utrique a forma nomen; quâ et… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.